रौनक तथा हर्सोउलासमय पर्व येंया पर्वकाे शुभारम्भ

१९ भदौ २०८२, शरण डंगोल, काठमाडौं ।
धार्मिक तथा सांस्कृतिक महत्व बोकेको काठमाडौंको साँस्कृतिक महोत्सव येँयाः पर्व विधिवतरुपमा शुरु भएको छ । आज विहानको साईतमा योसिं (इन्द्रध्वज) प्रतिस्थापन गरिएसँगै यस वर्षको साताव्यापि येँयाः शुरु भएको हो ।

स्थानिय सायमिहरुको अगुवाइमा गुरुजुको पल्टन (शार्दुल जंग गुल्म) बाट तोप पड्काई शुरु भएको योसिं प्रतिस्थापनको क्रममा अन्य बाजा गाजा लगायत भक्तजनहरुको उल्लेख उपस्थिति हनुमानढोका परिसरमा देखिएको छ ।

येँयाःमा वर्षा र सहकालका देवता देवराज इन्द्रको पूजा आराधना गरिन्छ । मृतात्माको मोक्षको लागि नेवाः समुदायबाट मानिने यो पर्व अन्तर्गत आज पहिलो दिन साँझ उपाकु पर्व मनाइयो । यस वर्ष स्वर्गारोहण भएका परिवारका आफन्तजनबाट उपाकु मार्गमा रहेका शक्तिपीथहरूमा काँचो माटोको दियो बाल्दै ‘उपाकु वनेगु’ गरिन्छ । यस क्रममा स्थानियहरुबाट शक्तिपीथमा समयब्व छायेगु तथा बाजागाजा पनि बजाउने गरिन्छ ।